სალათი ყვავილოვანი კომბოსტოთი და კრევეტებით

ასეთი ვიტამინური სალათი ძალიან დროული და სასარგებლოა, სანამ ჯერ კიდევ არ გამოჩენილა პირველი სა გაზაფხულო მწვანილი. მასში შემავალი ინგრედიენტების ყიდვა პრაქტიკულად მთელი წლის განმავლობაშია შესაძლებელი.

შესაძლოა, მათი ხარისხი ჯერ არ იყოს ისეთი, როგორიც გვსურს, მაგრამ მაინც, მათი დახმარებით შესაძლებელია თქვენი მენიუს მნიშვნელოვნად გამრავალფეროვნება.

სალათის მოსამზადებლად საჭიროა ავიღოთ მოხარშული გაყინული კრევეტის კისრები, ყვავილოვანი კომბოსტოს ყვავილედები, პომიდვრები, კიტრი, კონსერვირებული მწვანე ბარდა და მაიონეზი.

ინგრედიენტები

• კრევეტის მოხარშული კისრები (გაყინული) – 130 გრამი;
• ყვავილოვანი კომბოსტო – 300 გრამი;
• ახალი პომიდორი – 3 ცალი;
• ახალი კიტრი – 1 ცალი;
• კონსერვირებული მწვანე ბარდა – 0,5 ჭიქა;
• მაიონეზი – 0,5 ჭიქა.

დამზადება

1. ყვავილოვანი კომბოსტოს თავები დაყავით ყვავილედებად (კოჩეშკებად) და გარეცხეთ გამდინარე წყალში.
2. ყვავილედები ჩაუშვით მარილიან მდუღარე წყალში.
3. ხარშეთ ყვავილედები დარბილებამდე, მაგრამ დააკვირდით, რომ შეინარჩუნონ სიმკვრივე (არ ჩაიშალონ). მზა კომბოსტო გადაიტანეთ საწურზე (დურშლაგზე) და შემდეგ გააცივეთ.
4. კრევეტები ჩაუშვით მდუღარე მარილიან წყალში 2 წუთით, შემდეგ ამოიღეთ სათლიბით და გააცივეთ.
5. პომიდვრები გარეცხეთ, გააშრეთ და დაჭერით თხელ ნაჭრებად (დოლებად).
6. კიტრი გარეცხეთ, გააშრეთ, გაჭერით შუაზე და შემდეგ თითოეული ნახევარი წვრილად დაჭერით (დააშინაკეთ) განივად.
7. შეურიეთ ერთმანეთს კრევეტები, ყვავილოვანი კომბოსტო, პომიდვრები, კიტრი და მწვანე ბარდა.
8. ინგრედიენტები აურიეთ, შეაზავეთ მაიონეზით და, საჭიროების შემთხვევაში, დაამატეთ მარილი.
9. სალათი საბოლოოდ აურიეთ.
11. გემრიელად მიირთვით!