ხახვის სოუსი კატლეტისთვის

საოცარი ხახვის სოუსი უხდება არა მხოლოდ კატლეტებს, არამედ პასტას, ხორცსა და თევზსაც. უნაზესი სოუსი ბოლომდე, სუფთად იქნება შეჭმული!
ვფიქრობ, არამხოლოდ ბავშვებს უყვართ გემრიელი სოუსები, რომელშიც პურის დაწობაც შეიძლება. სოუსების მომზადება მრავალგვარად შეიძლება, ვისაც როგორი უყვარს: პომიდვრით, არაჟნით, რძით, ღვინის ან ბულიონის დამატებით.
ხახვის სოუსი კატლეტისთვის აუცილებლად მოეწონება ხახვის მოყვარულებს, რა თქმა უნდა)) მაგრამ არა მხოლოდ მათ! ხახვი სოუსში გამოდის ნაზი, ნაღებისებრი, სულაც არ ჰგავს მოხარშულს. სცადეთ — და სასიამოვნოდ გაოცდებით!
ხახვის სოუსი უხდება არა მხოლოდ კატლეტებს, მისი მიტანა შეგიძლიათ ხორცთან, თევზთან, პასტასთან ან ბრინჯთან ერთად.

ინგრედიენტები

• ხახვი (რგოლებად დაჭრილი) – 300 გრ
• კარაქი (სლივოჩნოე მასლო) – 50 გრ
• არაჟანი – 100 გრ
• ფქვილი – 1 სუფრის კოვზი
• პაპრიკა – 1 ჩაის კოვზი
• მუსკატის კაკალი – 0,5 ჩაის კოვზი
• მარილი, პილპილი – გემოვნებით

დამზადება

1. ხახვის სოუსისთვის შეგიძლიათ აიღოთ რგოლებად დაჭრილი, თეთრი ან შალოტი ხახვი. წითელი ხახვიც გამოდგება, მაგრამ მასთან ერთად სოუსი მუქი ფერის იქნება. ნებისმიერ შემთხვევაში, არჩევანი თქვენზეა.
2. ავიღოთ საჭირო პროდუქტები და შევუდგეთ მომზადებას. ზეთის ნაცვლად შეგიძლიათ მცენარეულიც გამოიყენოთ, მაგრამ კარაქით უფრო გემრიელი გამოდის. მუსკატის კაკალი შეგიძლიათ გამოიყენოთ უკვე დაფქული.
3. ტაფაზე გავადნოთ კარაქი და დავამატოთ წვრილად დაჭრილი ხახვი.
4. ხახვი ვთუშოთ გამჭვირვალობამდე – 7-10 წუთი, თან ვურიოთ. ეცადეთ, არ დაუშვათ ხახვის ზედმეტად მოხრაკვა, რამაც შეიძლება მწარე გემო მისცეს სოუსს.
5. დავამატოთ 1 სუფრის კოვზი ფქვილი, ავურიოთ.
6. მოვასხათ პილპილი, მოვაყაროთ მარილი, დავამატოთ პაპრიკა და მუსკატის კაკალი. კიდევ ერთხელ კარგად ავურიოთ.
7. დავამატოთ დაახლოებით ერთი ჭიქა წყალი.
8. მივიყვანოთ სოუსი ადუღებამდე, თან გამუდმებით ვურიოთ.
9. დავამატოთ არაჟანი.
10. ვაგრძელებთ მომზადებას, თან ვურიოთ, 1-2 წუთი. აი, ასეთი მადისაღმძვრელი სოუსი გამოგვივიდა!
11. მიიტანეთ გემრიელი ხახვის სოუსი კატლეტებთან ერთად – შესაძლოა, გარნირიც აღარ დაგჭირდეთ! და პურთან ერთად რა გემრიელია!
12. ნაზი, ნაღებისებრი და არომატული სოუსი თქვენი კერძის მშვენება გახდება!
13. გირჩევთ ხახვის სოუსი მოამზადოთ ისე, რომ არსად არ გადახვიდეთ. მნიშვნელოვანია, რომ მომზადების არცერთ ეტაპზე არ დაუშვათ ხახვის ზედმეტად მოხრაკვა - გადაბრაწვა).