კოწახურის სოუსი მწვანილით ზამთრისთვის

ეს სოუსი შესანიშნავია ხორცის კერძებისთვის, განსაკუთრებით კი მწვადისთვის.

თუ ზამთრისთვის ამზადებთ, სოუსი უნდა ჩაასხათ სტერილურ ქილებში და მჭიდროდ დაახუროთ თავსახური. შეინახეთ გრილ ადგილას.

ეს მარტივი რეცეპტი შესანიშნავი დამატება იქნება თქვენი სუფრისთვის!

ინგრედიენტები

• კოწახური 500 გრ
• ქინძი 1 კონა
• მშრალი აჯიკა (ან სხვა სანელებლები გემოვნებით): 2-3 ს/კ
• წყალი დაახლოებით 50 გრ
• მარილი გემოვნებით

დამზადება

1. კარგად გადაარჩიეთ კოწახური და მოათავსეთ ქვაბში.
2. დაასხით დაახლოებით 50 გრ წყალი. დადგით ნელ ცეცხლზე, მიიყვანეთ ადუღებამდე და ხარშეთ დაახლოებით 10 წუთი, სანამ კოწახური მთლიანად არ დარბილდება.
3. დარბილებული კოწახური გაატარეთ საცერში. ეს აუცილებელია იმისთვის, რომ მოშორდეს კურკები და კანი.
4. მიღებული მასა გააცივეთ.
5. გაცივებულ პიურეს დაუმატეთ წვრილად დაჭრილი მწვანილი (ქინძი), მშრალი აჯიკა (ან თქვენთვის სასურველი სხვა სანელებლები, მაგალითად, ნიორი და წითელი წიწაკა) და მარილი გემოვნებით. კარგად აურიეთ.