მჟავე გოგრა

ვისაც ზამთრის მარაგიდან გოგრა დარჩა, დაადუღეთ! ეს ძალიან გემრიელი, უჩვეულო და სასარგებლოა.
რეცეპტი გათვლილია ერთლიტრიან ქილაზე დაჭრილი ბოსტნეულისთვის. არ გირჩევთ დიდი რაოდენობით მომზადებას, თუ დარწმუნებული არ ხართ, რომ ყველაფერს შეჭამთ.
მაცივარში დადუღებული გოგრა შეიძლება რამდენიმე კვირა გაჩერდეს, თუმცა დუღილის პროცესი მაცივარშიც გრძელდება. ამიტომ გოგრა შეიძლება ძალიან მომჟავო იყოს.
გოგრის დადუღება შესაძლებელია ვაშლის, ხახვისა და ჯანჯაფილის გარეშეც. უბრალოდ უნდა ჩააწყოთ გამხმარი კამა, ნიორი, დაფნის ფოთოლი და წიწაკა. ასე მომზადებულიც გემრიელია!

ინგრედიენტები

• გოგრა (სუფთა წონა) 600 გრ
• ვაშლი (მომჟავო-მოტკბო) 1 ცალი
• ნიორი 3 კბილი
• ხახვი 0,5 ცალი
• ჯანჯაფილი (2 სმ ნაჭერი) 15 გრ
• წიწაკა ჩილი (ან გემოვნებით) 0,5 ცალი
• მარილი 1,5 ჩ/კ
• წყალი 600 მლ

დამზადება

1. გოგრა დაჭერით თხელ ნაჭრებად ან ბრუსოკებად (გრძელ ოთხკუთხა ნაჭრებად). შეიძლება კუბიკებადაც, თუ სალათისთვის ან სუპისთვის გჭირდებათ. გოგრა უნდა იყოს მყარი და გემრიელი.
2. ხახვი დაჭერით ნახევარრგოლებად, ხოლო ვაშლი თხელ ნაჭრებად. ვაშლიც და ხახვიც არ უნდა იყოს მსხვილი.
3. ნიორი და ჯანჯაფილი დაჭერით თხელ ფირფიტებად (სლაისებად).
4. გოგრის ნაჭრები და დანარჩენი დაჭრილი ინგრედიენტები აურიეთ, დაამატეთ ცხარე წიწაკა გემოვნებით. ამ ნარევით შეავსეთ ქილა.მე 1,5 ლიტრიან ქილაში გავაკეთე.ცოტაოდენ წყალში გახსენით მარილი (სიმარტივისთვის) და ჩაასხით ქილაში, შემდეგ დაამატეთ დარჩენილი წყალი.გოგრა ზედაპირზე ამოტივტივდება, ამიტომ რამე მოიფიქრეთ. მე ქილაში არაჟნის პლასტმასის თავსახურს ვდებ. ის ბოსტნეულს ზედაპირზე ამოტივტივების საშუალებას არ აძლევს.
5. ბოსტნეულს დაასხით მარილწყალი, დაახურეთ თავსახური და დატოვეთ ოთახის ტემპერატურაზე 4-5 დღის განმავლობაში ფერმენტაციისთვის (დადუღებისთვის). უკვე მეორე დღეს მარილწყლის ზედაპირზე ბუშტუკები გაჩნდება, რაც იმას ნიშნავს, რომ პროცესი დაწყებულია. 4 დღის შემდეგ დააგემოვნეთ გოგრის ნაჭერი. თუ გემო მოგეწონებათ, შესანახად გადაიტანეთ მაცივარში.