კოწახურის სოუსი ოხრახუშით ზამთრისთვის

კოწახურის სოუსი ოხრახუშით – ზამთრისთვის
ეს არის მკვეთრი, მჟავე-ტკბილი სოუსი, რომელიც ზამთრის ცივ დღეებში თქვენს კერძებს ზაფხულის გემოსა და არომატს შესძენს. კოწახურის გამორჩეული სიმჟავე იდეალურად ერწყმის ნივრის სიმძაფრეს, ჩილის პიკანტურობას და ოხრახუშის სიახლეს.

ეს სოუსი მზადდება სწრაფად, სჭირდება მინიმალური დრო და იდეალურად ინახება სტერილურ ქილებში.

იდეალურია:

ხორცის კერძებისთვის: მწვადისთვის, ქაბაბი, შემწვარი ქათამი ან ღორის ხორცი.

გარნირებისთვის: ბრინჯი, კარტოფილი ან ბოსტნეული.

მოამზადეთ ეს პიკანტური სოუსი წინასწარ და ისიამოვნეთ მისი არაჩვეულებრივი გემოთი მთელი ზამთრის განმავლობაში!

ინგრედიენტები

• კოწახური 1 ჭიქა
• ვაშლის ძმარი 1 ს.კ.
• ჩილის წიწაკა ½ ცალი
• ნიორი 2 კბილი
• ოხრახუში 4 ღერი
• მარილი, შაქარი, სანელებლები გემოვნებით

დამზადება

1. კოწახურს დაასხით ცოტაოდენი წყალი, ხარშეთ 15–20 წუთის განმავლობაში და შემდეგ გაატარეთ საცერში.
2. მიღებული პიურე მიიყვანეთ ადუღებამდე და დაამატეთ შაქარი, მარილი და ყველა სანელებელი.
3. ხარშეთ იქამდე, სანამ სასურველ სისქეს არ მიიღებს. შემდეგ დაამატეთ ძმარი, დაქუცმაცებული ნიორი და ოხრახუში.
4. მზა სოუსი ჩაასხით სტერილურ ქილაში და მოხუფეთ (დაახურეთ თავსახური).