კოწახურის სოუსი

კოწახურის სოუსი
თუ ზამთრისთვის ამზადებთ მარაგებს, ყურადღება მიაქციეთ ამ რეცეპტს და გაიგეთ, როგორ მოამზადოთ კოწახურის სოუსი. ის არის ვიტამინების ნამდვილი საგანძური და შესანიშნავი დანამატი სხვადასხვა კერძისთვის.
მომზადების აღწერა:
კოწახურის სოუსს აქვს მჟავე-ტკბილი გემო და დაუვიწყარი არომატი. ის იდეალურად ერწყმის ხორცის კერძებს. მისი დამატება შესაძლებელია ფლავის მომზადებისას, ბოლოს, როცა ბრინჯი უკვე მოხარშულია.
დარიჩინის ჩხირებისა და მიხაკის პატარა ტომსიკის ნაცვლად, შეგიძლიათ გამოიყენოთ დაფქული სანელებლები, თუმცა ამ შემთხვევაში მათი რაოდენობა ოთხჯერ უნდა შეამციროთ, რათა მათ კოწახურის გემო არ გადაფარონ.

ინგრედიენტები

• კოწახური 500 გრამი
• ჯანჯაფილი (კოჭა) დაფქული1 ს.კ.
• დარიჩინი50 გრამი
• შაქარი (ლერწმის)100 გრამი
• წყალი გემოვნებით (საჭიროებისამებრ)
• მიხაკი 5 ცალი

დამზადება

1. სანამ კოწახურის სოუსს მოამზადებთ, გარეცხეთ კოწახური თბილ წყალში. მოაცილეთ ყუნწები და ზედმეტი წყალი გადაწურეთ. გადაიტანეთ კოწახური ქვაბში, დაუმატეთ დარიჩინის რამდენიმე ჩხირი. ხარშეთ მანამ, სანამ კოწახური არ დარბილდება.
2. მოხარშული კოწახური მოათავსეთ წვრილ საცერზე და დაელოდეთ, სანამ ოდნავ გაცივდება. შემდეგ გაწურეთ საცერში. ამგვარად მოვაცილებთ კურკებსა და კანს და მივიღებთ საჭირო რბილობს.
3. მოამზადეთ სურნელოვანი ტომსიკა. მარლა ორ ფენად გადაკეცეთ. ჩაყარეთ მასში რამდენიმე მიხაკის ყვავილი, რომელიც საცეხში იქნება დატეხილი. შეკარით მარლა და შექმენით ტომსიკა.
4. კოწახურის რბილობიან ქვაბში ჩაუშვით მიხაკის ტომსიკა. დაამატეთ შაქრის ფხვნილი და დაფქული ჯანჯაფილი (კოჭა). ქვაბი დადგით ნელ ცეცხლზე და ხარშეთ (ადუღეთ) შიგთავსი გასქელებამდე. არ დაგავიწყდეთ მორევა.
5. მოამზადეთ ქილები და თავსახურები. გარეცხეთ და მოახდინეთ მათი სტერილიზაცია თქვენთვის მოსახერხებელი მეთოდით. გააკეთეთ ეს წინასწარ, რათა სოუსის ჩასხმამდე ქილებმა მოასწრო გაშრობა.
6. მზა სოუსიდან ამოიღეთ მიხაკის ტომსიკა. სოუსი ქილებში ცხლად გადაანაწილეთ. დაელოდეთ, სანამ ქილებში სოუსი გაცივდება და მხოლოდ ამის შემდეგ დაახურეთ თავსახურები. შეინახეთ გრილ ადგილას.