კივის ტყემალი

კივის ტყემლის სოუსის მომზადება შესაძლებელია უშუალოდ სუფრაზე მიტანის წინ, ან შეიძლება მომარაგდეს სამომავლოდაც. ეს განსაკუთრებით აქტუალურია მათთვის, ვინც კივის აშენებს, რადგან მისი ნაყოფი დიდხანს არ ინახება.

ეს სოუსი მოეწონება ტყემლის ყველა მოყვარულს. მას აქვს არაჩვეულებრივი ფერი — მწვანე, და გემოც უნიკალურია. ეს უბრალოდ უნდა გასინჯოთ!

გემოს ვარირება შეგიძლიათ თქვენი სურვილისამებრ — ზოგს უფრო მეტი ნიორი უყვარს, ზოგს – პილპილი, ზოგს კი მოტკბო ნოტები მოსწონს, რისი ხაზგასმაც შაქრის დამატებით მოგინდებათ. სინჯეთ, ექსპერიმენტები ჩაატარეთ!

ინგრედიენტები

• კივი – 200 გრ
• ნიორი – 2 კბილი
• ოხრახუში – 0,5 კონა
• ქინძი – 0,5 კონა
• მარილი – 5 გრ
• შაქარი – 10 გრ
• შავი დაფქული პილპილი – გემოვნებით
• წყალი – 100 მლ

დამზადება

1. მოამზადეთ პროდუქტები სიის მიხედვით.
2. კივი გაფცქვენით კანისგან.
3. კივი დაჭერით ნაჭრებად და მოათავსეთ ქვაბში.
4. ხარშეთ დაბალ ცეცხლზე, წყლის დამატებით, დაახლოებით 10-15 წუთის განმავლობაში.
5. სანამ კივი იხარშება, წვრილად დაჭერით მწვანილი და ნიორი. თავიდან დაჭერით, შემდეგ კი გამოიყენეთ ნებისმიერი მეთოდი დასაქუცმაცებლად – მე ყავის საფქვავი გამოვიყენე.
6. როდესაც კივის ნაყოფი დარბილდება, ოდნავ დასრისეთ ხის კოვზით ან ნიჩბით.
7. დაამატეთ დაქუცმაცებული მწვანილი, მოაყარეთ მარილი.
8. დაამატეთ პილპილი.
9. კარგად აურიეთ და დადგით ცეცხლზე კიდევ 10 წუთით.
10. შემდეგ მასა დააბლენდერეთ. თუ გსურთ კივის ტყემალი სამომავლოდ მოამზადოთ (დააკონსერვოთ) – კიდევ ერთხელ აადუღეთ და ჩაასხით სტერილურ ქილებში, დაახურეთ სტერილური თავსახურები.
11. სოუსი გააცივეთ და მიიტანეთ სუფრაზე ხორცისა და თევზის ძირითად კერძებთან ერთად.
12. გემრიელად მიირთვით!