კივის პოვიდლო

კივის პოვიდლოს აქვს საოცარი მჟავე-ტკბილი გემო. მართალია, ღია მწვანე ფერი თერმული დამუშავების დროს იკარგება, მაგრამ შავი ჩანართები (თესლები) პოვიდლოში სახალისოდ გამოიყურება. ამ ნაზი პოვიდლოს კოვზით ჭამა ძალიან გემრიელია!

ინგრედიენტები

• კივი 650 გრამი
• ლიმონი 1 ცალი
• შაქარი 250 გრამი
• კარდამონი (მარცვლები) 6-8 ცალი
• პექტინი ან ჟელეინგი (ჟელატინი) 50 გრამი

დამზადება

1. კივი გაფცქვენით და დაჭერით ნაჭრებად.
2. ამოარჩიეთ კარდამონის მარცვლები.
3. ლიმონი გარეცხეთ. ნახევარი დაჭერით, მეორე ნახევრიდან კი წვენი უნდა გამოწუროთ.
4. დაჭრილი კივი, კარდამონი, ლიმონი და ლიმონის წვენი შეურიეთ შაქარს. დატოვეთ თავისი წვენით შესაფერად ერთი საათის განმავლობაში.
5. დამდგარი მასა დადგით ცეცხლზე და მიიყვანეთ ადუღებამდე, შემდეგ ხარშეთ საშუალო ცეცხლზე 10 წუთის განმავლობაში.
6. 10 წუთის გასვლის შემდეგ ჩვენი ნახარში (მასა) დადგით გასაცივებლად. როდესაც მასა გაცივდება, ათქვიფეთ ბლენდერით. ამის შემდეგ დაამატეთ შემასქელებელი (პექტინი, ჟელეინგი ან სხვა), კვლავ მიიყვანეთ ადუღებამდე და ხარშეთ 1-2 წუთის განმავლობაში.
7. მზა კივის პოვიდლო ჩაასხით წინასწარ გასტერილებულ ქილებში. დაახურეთ სტერილური თავსახურები. შედეგად მიიღებთ დაახლოებით 600 მლ მზა პროდუქტს.
8. გემრიელად მიირთვით!