ფრანგული პაშტეტი

ფრანგული პაშტეტის მომზადება სხვადასხვა მეთოდით შეიძლება. რით განსხვავდება ის ჩვენი ტრადიციული პაშტეტისგან? ალბათ, მირთმევის დახვეწილობითა და ზოგიერთი ინგრედიენტით, რომელიც კერძს პიკანტურობას მატებს.
მოცემულ რეცეპტში აღვწერე ქათმის ღვიძლისგან მომზადებული პაშტეტი ბროწეულის ჟელესთან ერთად. შეგიძლიათ აიღოთ ნებისმიერი სხვა ღვიძლი და ბროწეული სხვა ხილით ან კენკრით ჩაანაცვლოთ. ექსპერიმენტები ჩაატარეთ და მიიღებთ დახვეწილ კერძს!

ინგრედიენტები

• ქათმის ღვიძლი 500 გრამი
• ქონი 100 გრამი
• სტაფილო 1-2 ცალი
• შალოტი (მშვილდის ხახვი) 1-2 ცალი
• კარაქი 50 გრამი
• არაჟანი 100 გრამი
• ფრანგული კონიაკი 50 გრამი
• ბროწეული 1 ცალი
• მიხაკი 3 ცალი
• მაიორანი 1 მწიკვი
• ძირა (თხმელი/კვლიავი) 1 მწიკვი
• მარილი, პილპილი, სანელებლები გემოვნებით
• შაქარი გემოვნებით
• ჟელატინი 40 გრამი

დამზადება

1. ამოიღეთ ქათმის ღვიძლი. საჭიროა მისი ფირისა და შემაერთებელი ნაწილებისგან გასუფთავება. და, რა თქმა უნდა, კონიაკი. შეგიძლიათ წინასწარ დაამარინადოთ ღვიძლი კონიაკის ხსნარში, ან ჩაასხათ მომზადების პროცესში.
2. დავიწყოთ ბოსტნეულით. ავიღოთ შალოტი (მშვილდის ხახვი) და სტაფილო.სხვათა შორის, თუ ვერ იპოვეთ შალოტი, შეგიძლიათ გამოიყენოთ ჩვეულებრივი ხახვი. სასურველია – მძაფრი ჯიშის.ბოსტნეული დაჭერით ისე, როგორც მოგწონთ. ისინი მაინც საბოლოოდ დაიფქვება.
3. ქონი დაჭერით ნაჭრებად. ქონი უნდა იყოს უმი, დაუმარილებელი.ტაფაზე დაასხით ზეითუნის ზეთი, მოათავსეთ მასში ქონი. მოხრაკეთ.შემდეგ ჩაამატეთ დაჭრილი ბოსტნეული და შუშეთ ყველაფერი ერთად.ჩაშუშულ ბოსტნეულში ჩაამატეთ დაჭრილი ღვიძლი და დაასხით კონიაკი. დააფარეთ ტაფას თავსახური და შუშეთ.
4. ამასობაში მოვამზადოთ სანელებლები. საჭიროა მიხაკის, ძირისა (თხმელი/კვლიავი) და მაიორანის დაფქვა. მე დავამატებ ასევე შავ პილპილს მარცვლებში და ზღვის მარილს. ყველაფერი ჩაყარეთ ტაფაში, დაუმატეთ კარაქის ნაჭერი. შუშეთ კიდევ 5 წუთი, სანამ სრულად არ მომზადდება.
5. ოდნავ შეგრილებული ღვიძლი ბოსტნეულთან ერთად გადაიტანეთ ღრმა ჯამში.გამოიღეთ არაჟანი ან სქელი ნატურალური იოგურტი და შეურიეთ ჩვენს ნარევს.აიღეთ ჩასაყრელი ბლენდერი (პოგრუჟნოი ბლენდერი) და მისი დახმარებით ყველა ინგრედიენტი დაფქვით პაშტეტის კონსისტენციამდე.
6. ახლა – დასკვნითი შტრიხი ჩვენი ფრანგული პაშტეტისთვის, კერძის მთავარი ხიბლი!გაასუფთავეთ ბროწეული. დაანაწილეთ ნაწილებად, ამოარჩიეთ მარცვლები.მარცვლების ნაწილი (ან სულ – თქვენი სურვილით) მოათავსეთ პატარა ქვაბში მცირე რაოდენობის წყალთან, ჟელატინთან ერთად და შაქართან ერთად წამოადუღეთ.ჟელე არ უნდა იყოს ძალიან ცხელი.
7. აიღეთ ჭურჭელი პაშტეტისთვის. მოათავსეთ მასში პაშტეტის ნარევი, გაასწორეთ ზედაპირი.შეციებული ბროწეულის ჟელე დაასხით პაშტეტის ზედაპირზე.მოათავსეთ მიღებული კერძი მაცივარში. რამდენიმე საათში ყველაფერი გამაგრდება.შეგიძლიათ მიიტანოთ სუფრასთან ტოსტებთან ერთად!
8. გემრიელად მიირთვით!