ქათამი ანანასით

ამ რეცეპტით მომზადებული ქათამი ანანასით გამოდის გასაოცრად წვნიანი, ნაზი და წარმოუდგენლად პიკანტური. ტკბილი ანანასის სიროფი ფრინველის ხორცთან ერთად – ეს ნამდვილად ღირს გასინჯვად.

მომზადების აღწერა:
ქათმის ანანასით მომზადების რეცეპტი საკმაოდ მარტივია. ეს კერძი შეგიძლიათ მოამზადოთ როგორც სადილისთვის ან ვახშმისთვის, ისე სადღესასწაულო სუფრისთვის. მისი მირთმევა შესაძლებელია როგორც დამოუკიდებლად, ისე გარნირთან – მაგალითად, ბრინჯთან ერთად.

ინგრედიენტები

• ქათმის ფილე 2 ცალი
• დაკონსერვებული ანანასი 250 გრამი
• სოიოს სოუსი 2 სუფრის კოვზი
• კვერცხი 1 ცალი
• ფქვილი 3 სუფრის კოვზი
• მარილი 1 მწიკვი
• პილპილი 1 მწიკვი
• მცენარეული ზეთი 50 მლ
• შაქარი 1 მწიკვი

დამზადება

1. ქათმის ფილე უნდა გარეცხოთ, გააშროთ და დაჭრათ პორციულ ნაჭრებად. მოათავსოთ ღრმა ჯამში.
2. დაამატოთ ერთი კვერცხი, ოდნავ მოურიოთ.
3. ახლა შეგიძლიათ დაამარილოთ და დააპილპილოთ გემოვნებით, სურვილის შემთხვევაში დაამატოთ თქვენი საყვარელი სანელებლები. ჩაასხათ 1 სუფრის კოვზი სოიოს სოუსი და ყველაფერი კარგად აურიოთ. იმისათვის, რომ ქათამი ანანასით სახლის პირობებში კარგად დაიმარინადოს, ის მაცივარში უნდა დატოვოთ მინიმუმ 2 საათით.
4. შემდეგ შეგიძლიათ ამოავლოთ თითოეული ნაჭერი ფქვილში, ან დაამატოთ ფქვილი პირდაპირ ჯამში და კარგად მოურიოთ. ტაფაზე გააცხელოთ მცენარეული ზეთი და ჩაუშვათ მასში ქათამი.
5. ორივე მხრიდან შემწვარი ქათამი ფრთხილად ამოიღოთ ჩაჭრილი კოვზით (შუმოვკით) და დადოთ ქაღალდის ხელსახოცზე, რათა ზედმეტი ცხიმი დაიწუროს.
6. ქვაბში ჩაასხათ დაკონსერვებული ანანასი თავის წვენთან ერთად. დაამატოთ სოიოს სოუსი და შაქრის ერთი მწიკვი. ხარშოთ დაბალ ცეცხლზე დაახლოებით 5 წუთის განმავლობაში.
7. ანანასის სოუსი მოურიოთ და დატოვოთ დაბალ ცეცხლზე, რათა შესქელდეს (ჩაიშუშოს). ეს არის ქათმის ანანასით მომზადების ასეთი მარტივი რეცეპტი. დარჩა მხოლოდ ქათმის სოუსისთვის დამატება და ცეცხლზე კიდევ დაახლოებით 5 წუთით გაჩერება. შემდეგ კერძის დაუყოვნებლივ მიტანა შეიძლება სუფრაზე."