საფუარი რაიმონდ კალველის მიხედვით (2 დღეში)

რაიმონდ კალველი (Raymond Calvel) ნამდვილი პატრიარქია პურის ცხობაში. განათლებით ქიმიკოსი, ის სამოცდაათი წლის განმავლობაში აცხობდა პურს და სხვებს ასწავლიდა ამ ხელობას. მეორე მსოფლიო ომის დროს ტყვედ ჩავარდნის შემდეგაც კი, მას გერმანული ჯარებისთვის პურის ცხობა დაავალეს. მისი რეცეპტით დამზადებული საფუარი კეთდება ძალიან მარტივად და სწრაფად. პური კი უბრალოდ საოცარი გამოდის!!!

ინგრედიენტები

• ხორბლის ფქვილი 150 გრ
• ჭვავის ფქვილი 150 გრ
• წყალი (სასმელი) 150 გრ
• მარილი 0,2 ჩ.კ.
• ალაო (თეთრი, არაფერმენტირებული ჭვავის)1 ჩ.კ.

დამზადება

1. შეურიეთ ყველა ინგრედიენტი, რომ მიიღოთ საკმაოდ მკვრივი (მტკიცე) ცომი. დატოვეთ 30 წუთით.
2. ზილეთ ცომი 30 წუთის განმავლობაში. დახმარებისთვის შეგიძლიათ პურის საცხობიც (ხლებოპეჩკა) გამოიყენოთ. მოათავსეთ ცომი პლასტმასის კონტეინერში თავსახურის ქვეშ და დადგით თბილ ადგილას (25-27С) ერთი დღე-ღამით (24 საათით).
3. ერთ დღე-ღამეში (24 საათში) საფუარი გაიზარდა/მოცულობაში მოიმატა.
4. ის უკვე ნამდვილ საფუარს ჰგავს!
5. ავიღოთ საფუარის ნახევარი, დანარჩენი კი გადავყაროთ.დავამატოთ 150 გრ ხორბლის ფქვილი, 90 გრ წყალი, მწიკვი მარილი და ერთი ჩაის კოვზი ალაო. ვზილოთ ცომი 30 წუთის განმავლობაში.შემდეგ საფუარი მოვათავსოთ კონტეინერში თავსახურის ქვეშ და დავტოვოთ 7 საათის განმავლობაში ტემპერატურაზე 25–27 C.
6. 7 საათის შემდეგ საფუარი 2-4-ჯერ გაიზრდება მოცულობაში.
7. ფოროვანი სტრუქტურა (ანუ ჰაეროვანი, ბუშტუკებით სავსე სტრუქტურა).
8. საფუარის გაძლიერება (დამატებითი კვება)
9. ავიღოთ 150 გრ საფუარი, 90 გრ წყალი, 150 გრ ხორბლის ფქვილი. ისევ ვზილოთ ცომი ნახევარი საათი (30 წუთი) და ასევე დავდგათ თბილ ადგილას 7 საათით. საფუარი მზადაა. მაგრამ უმჯობესია, კიდევ 2-3-ჯერ გამოკვებოთ იგივე სქემით, რათა ის გათეთრდეს და მეტი ამწევი ძალა მოიპოვოს. ამის შემდეგ შეგიძლიათ გადაიყვანოთ თქვენთვის მოსახერხებელ ფორმაში. მე, მაგალითად, საფუარს ვინახავ სქელი ცომის სახით, როგორც ალადასთვის.