სკიაჩატინა ყაბაყით: ლაკონური და გემრიელი!

სკიაჩატინა — იტალიური ხალხური კერძია. ეს ის ვარიანტია, როცა გინდათ, რომ სწრაფად, თავის ზედმეტად დატვირთვის გარეშე მოამზადოთ წასახემსებელი (ზაკუსკა). სხვათა შორის, ასე მზადდება სკიაჩატინა კარტოფილითაც. იგი მზადდება ყველაზე მარტივი, ხელმისაწვდომი პროდუქტებისგან, რომელიც მოიპოვებოდა ნებისმიერ საშუალო შეძლების ოჯახში.

მზა სკიაჩატინას აქვს ძალიან ხრაშუნა ქერქი და შიგნით ოდნავ თხევადი შიგთავსი.

ინგრედიენტები

• 350 გრ. ყაბაყი (ცუკინი)
• 350 მლ წყალი
• 200 გრ. ფქვილი (ასლის/სპელტის)
• 50 გრ. ზეითუნის ზეთი
• 50 გრ. გახეხილი ყველი
• გემოვნებით - მარილი, წიწაკა, როზმარინი

დამზადება

1. ზეთი შეურიეთ წყალს, მოაყარეთ მარილი, წიწაკა, სურვილისამებრ დაამატეთ როზმარინი. შემდეგ ამ ნარევით გახსენით ფქვილი. უნდა მიიღოთ თხევადი ცომი.
2. თხლად დაჭრილი ყაბაყი შეურიეთ ცომს და მოათავსეთ საცხობ ქაღალდდაფენილ საცხობ ფირფიტაზე. ყაბაყი თანაბრად გადაანაწილეთ მთელ ფირფიტაზე. ამ დროს დაარეგულირეთ მარილი.
3. ზემოდან ფრთხილად მოაყარეთ გახეხილი ყველი, მოასხით (მოჩქვიფეთ) ზეითუნის ზეთი და შედგით ღუმელში 180°C-ზე 40 წუთით.