ზურმუხტის ნამცეცი

სალათი მოეწონებათ მათ, ვისაც უყვარს მაიონეზიანი მრავალფენიანი საუზმეები. ამ კერძის მთავარი ხიბლი არის კივი, რომელიც სალათს ზემოდან ამშვენებს.

მომზადებისთვის შეარჩიეთ მჟავე-ტკბილი ჯიშის ნაყოფი, მაგალითად, "ჰაივარდი".

მას აქვს ნაზი გემო და არომატი, წვნიანი ღია მწვანე რბილობი.

გამოირჩევა მსხვილი ნაყოფებით – 80-დან 150 გრამამდე, ოვალური, ოდნავ ბრტყელი ფორმით, მოყავისფრო-მომწვანო შეფერილობის კანით.

იმისათვის, რომ კვერცხის ნაჭუჭი ადვილად მოშორდეს, ხარშვის პროცესში ქვაბში ცოტაოდენი მარილი დაამატეთ.

ინგრედიენტები

• ქათმის ფილე 500 გრ
• მაგარი ყველი 200 გრ
• პომიდორი 1 ც. 90 გრ
• ქათმის კვერცხი 2 ც. 120 გრ
• მწვანე ხახვი 1 კონა 50 გრ
• კივი 2 ც. 150 გრ
• ნიორი 4 კბილი 20 გრ
• მაიონეზი გემოვნებით
• მარილი გემოვნებით

დამზადება

1. მოამზადეთ სალათ "ზურმუხტის ნამცეცის" ინგრედიენტები.ყველი გახეხეთ საშუალო სახეხზე.პომიდორი და კივი გარეცხეთ და დაჭერით კუბიკებად.მწვანე ხახვი გარეცხეთ და წვრილად დაჭერით. ნიორი გაფცქვენით და დააქუცმაცეთ (ან დაჭერით).
2. ქათმის ფილე მოხარშეთ მარილიან წყალში მზადყოფნამდე, დაახლოებით 20-30 წუთის განმავლობაში. გააცივეთ და კუბიკებად დაჭერით. კვერცხი მოხარშეთ მაგრად , მოაშორეთ ნაჭუჭი და დააქუცმაცეთ (ან დაჭერით). მაიონეზი ნიორს შეურიეთ.
3. მოამზადეთ სალათი , ბრტყელი თეფშის შუაში ჩადგით ჭიქა. ჭიქის გარშემო ფენებად დაალაგეთ ქათამი, ხახვი, ყველი და თითოეულ ფენას წაუსვით ნივრიანი მაიონეზი. შემდეგ დაალაგეთ პომიდორი, მოაყარეთ მარილი და წაუსვით მაიონეზი. ისევ დაალაგეთ მწვანე ხახვი, შემდეგ კვერცხი და მაიონეზი. მოაყარეთ ყველი. ზემოდან დაალაგეთ კივი. სალათი შედგით მაცივარში 20-30 წუთით.
4. სუფრასთან მიტანის წინ, სალათიდან ამოიღეთ ჭიქა და ისე მიიტანეთ სუფრაზე.