სალათი კრევეტებით, მიდიებითა და ავოკადოთი

ოდით მოვამზადოთ მსუბუქი, ჰაეროვანი სალათი სულ რამდენიმე წუთში. წინ საახალწლო დღესასწაულებია და ასეთი კერძი ძალიან მოუხდება სადღესასწაულო სუფრას.

რადგან ღამის საათებში არ გვინდა მძიმე საკვები, ეს სალათი არ არის გადატვირთული კალორიული პროდუქტებით, რაც ძალიან გაახარებს მათ, ვინც საკუთარ წონას აკონტროლებს.

ინგრედიენტები

• აისბერგის სალათი - 1/4 თავი
• კრევეტები (საკუთარ წვენში/მარინადში) - 10-15 ცალი
• მიდიები (ოდნავ შებოლილი) - 10 ცალი
• ავოკადო - 1/2 ცალი
• სოიოს სოუსი - 1 ჩაის კოვზი
• სეზამის ზეთი - 1 სუფრის კოვზი
• ლიმონის წვენი - 1/2 ჩაის კოვზი

დამზადება

1. ოამზადეთ ყველა საჭირო ინგრედიენტი და შეუდექით სალათის მომზადებას კრევეტებით, მიდიებითა და ავოკადოთი.
2. სალათი (აისბერგი) გარეცხეთ და ხელებით დახიეთ ულუფის თეფშზე (ჭურჭელში).
3. დაალაგეთ მიდიები და კრევეტები.
4. ავოკადო გაჭერით სიგრძეზე, ამოიღეთ კურკა, მოაცილეთ კანი და დაჭერით რბილობი თქვენთვის სასურველი ფორმით, შემდეგ დაალაგეთ სალათზე.
5. რჩევა! იმისთვის, რომ ავოკადო არ გაშავდეს, მოასხით მას ლიმონის წვენი.
6. ზეთში ჩაასხით სოიოს სოუსი და აურიეთ.
7. სალათს მოასხით მომზადებული საკაზმი.
8. სალათი კრევეტებით, მიდიებითა და ავოკადოთი მზად არის სუფრაზე მისართმევად. გემრიელად მიირთვით!