ქათმის რეცეპტი ანანასით

ქათმის რეცეპტი ანანასით
ამ კერძის მომზადება წარმოუდგენლად მარტივია, სამაგიეროდ ყოველ ჯერზე რა ფურორს ახდენს! დაინტერესდით? მაშინ წაიკითხეთ და ნახეთ ქათმის რეცეპტი ანანასით. კერძს მივიტანთ სუფრაზე ბრინჯის გარნირთან ერთად.

მომზადების აღწერა:
სურვილის შემთხვევაში, სილამაზისთვის შეგიძლიათ ქათამს ქუნჯუთის (სეზამის) მარცვლები მოაყაროთ. თუმცა, კერძი ყოველგვარი დანამატების გარეშეც უბრალოდ გასაოცრად გამოიყურება, დამეთანხმებით. ქათმისა და ბრინჯის ამჟავო-ტკბილ სოუსში შერწყმის მთელი სიმარტივის მიუხედავად, ვფიქრობ, ეს კერძი სადღესასწაულო სუფრაზეც შეიძლება მივიტანოთ.

ინგრედიენტები

• ანანასის წვენი 120 მლ
• სოიოს სოუსი 60 მლ
• ქათმის ბულიონი 60 მლ
• სოუსი ჰოისინი" 50 მლ ("Hoisin"-ის)
• ყავისფერი შაქარი 60 გრამი
• ნიორი 2 კბილი
• სახამებელი 2 ჩაის კოვზი
• მცენარეული ზეთი 1 ჩაის კოვზი
• ქათმის მკერდი 400 გრამი
• ანანასი 1 ცალი
• ქეშიუს თხილი გემოვნებით
• ბრინჯი 200 გრამი
• ქუნჯუთი (სეზამი) გემოვნებით

დამზადება

1. ანანასი ფრთხილად გაჭერით 2 ნაწილად, ამოჭერით რბილობი, მისი ნახევარი დაჭერით კუბიკებად. დარჩენილი რბილობი კოვზით ამოფხიკეთ ქერქიდან, რათა მიიღოთ 'ნავები' (ფორმები).
2. ქათამი დაჭერით პატარა ნაჭრებად. შეურიეთ ყველა თხევადი ინგრედიენტი შაქარს, დაქუცმაცებულ ნიორსა და სახამებელს. ეს სოუსი ადუღეთ (შეშუშეთ) სქელი სიროფის კონსისტენციამდე. ქათამი მოათავსეთ ტაფაზე სიროფთან, ანანასთან და თხილთან ერთად, დადგით საშუალო ცეცხლზე და შუშეთ ხორცის მომზადებამდე. პარალელურად მოხარშეთ ბრინჯი.
3. მომზადებული ქათამი მოათავსეთ 'ნავების' ნახევრებში, გვერდით დაალაგეთ ბრინჯი. სულ ეს არის, შედევრი მზად არის!