მოხარშულ-შებოლილი ბარკალი

შესანიშნავი წასახემსებელი

ეს არის საუცხოო წასახემსებელი, რომელიც გამოდგება როგორც სადღესასწაულო სუფრისთვის, ისე ყოველდღიური მოხმარებისთვის.

ამ ხორცისგან შეგიძლიათ მოამზადოთ ბუტერბროდი. შეგიძლიათ გამოიყენოთ სუპის ან სალათის მოსამზადებლად. მაცივარში საკმაოდ დიდხანს ინახება.

თქვენ და თქვენს სტუმრებს ნერწყვი მოგადგებათ, როდესაც ეს კერძი სუფრაზე აღმოჩნდება. ორმაგ სიამოვნებას მოგანიჭებთ იმის გააზრება, რომ ეს ბარკალი თქვენი ხელით მოამზადეთ.

დავიწყოთ!

ინგრედიენტები

• ღორის ბარკალი 1 ცალი
• ხახვი 3 ცალი
• შავი პილპილი მარცვლებად 4 ცალი
• დაფნის ფოთოლი 2 ცალი

დამზადება

1. ახალი ღორის ბარკალი კარგად გარეცხეთ. შეაზილეთ (შეახეხეთ) მარილი და სანელებლები. დატოვეთ მაცივარში ორი-სამი დღე.
2. მას შემდეგ, რაც ბარკალი კარგად დამარილდება, საჭიროა მისი მოხარშვა: გარეცხეთ და მოათავსეთ მდუღარე წყალში. ხარშეთ დაახლოებით ორი - ორნახევარი საათი. ეს დამოკიდებულია ბარკლის ზომაზე. ტრადიციულად, ითვლება 40 წუთი ხარშვა ერთ კილოგრამ წონაზე. ხარშვის შუა პერიოდში, ბარკლის თხელი ნაწილი წყლიდან ამოწიეთ, რადგან ის უფრო სწრაფად იხარშება.
3. მოხარშვის შემდეგ, ბარკალი ბულიონიდან ამოუღებლად გააცივეთ ოთახის ტემპერატურამდე. შემდეგ ამოიღეთ ბულიონიდან და გააშრეთ ღია ჰაერზე. საბოლოო ეტაპია შებოლვა. ბარკალი უნდა შებოლოთ ცივი შებოლვის მეთოდით. შებოლვის ხანგრძლივობაა — დაახლოებით ერთი დღე-ღამე (24 საათი). შებოლვის შემდეგ, ბარკალი დაკიდეთ მშრალ, გრილ ადგილას რამდენიმე დღით, რომ კარგად გამოშრეს. ამის შემდეგ ხორცი მზად არის საკვებად.
4. გემრიელად მიირთვით!