იტალიური ფენოვანი სალათი

მთელი იტალია ერთ კერძში – პასტა, ყველი, სალამი, ზეთისხილი. გარდა ამისა, აქ არის ეგზოტიკური თოვლივით თეთრი პალმის კომბოსტოს გულიც (არსებობს ასეთი გემრიელი რამ). ფერადი ფენები ძალიან ლამაზად გამოიყურება. სალათს არ აურიოთ, რამდენიმე საათით შედგით მაცივარში. ფენების თანმიმდევრობის არჩევა შეგიძლიათ ნებისმიერად, თქვენი გემოვნების მიხედვით.

ინგრედიენტები

• ტორტელინი (იტალიური პელმენი) ყველით, შეფუთვის ინსტრუქციის მიხედვით მომზადებული და გაცივებული – 1 შეკვრა (560 გრ)
• თეთრი დაკონსერვებული ლობიო (სითხის გარეშე) – 1 ქილა (530 გრ)
• პატარა პომიდორი (გრეიპი ან ჩერი), შუაზე გაჭრილი – 2 ჭიქა
• დაკონსერვებული მუხუდო (სითხის გარეშე) – 1 ქილა (420 გრ)
• სალამი, წვრილ კუბიკებად დაჭრილი – 1 ½ ჭიქა
• ყველი პროვოლონე (ან სხვა მაგარი, უცხიმო ყველი), კუბიკებად დაჭრილი – 1 ½ ჭიქა
• პალმის კომბოსტოს გული დაკონსერვებული (თუ შესაძლებელია), თხლად დაჭრილი – 250 გრ
• მწვანე წიწაკა, წვრილად დაჭრილი – 1 ც.
• მწვანე ზეთისხილი დაჭრილი – 1 ჭიქა
• მზა სოუსი „ვინეგრეტი“ სალათისთვის (ან ალტერნატიულად: მარილი, პილპილი, მდოგვი, ნიორი, ბალზამიანი ძმარი, ზეითუნის ზეთი)

დამზადება

1. დიდ სასალათეში ფენებად დაალაგეთ: ტორტელინი, ძეხვი (სალამი), მუხუდო, ყველი, წიწაკა, ლობიო, პომიდორი, პალმის კომბოსტო, ზეთისხილი. დააფარეთ თავი და მოათავსეთ მაცივარში (24 საათამდე), სანამ სუფრაზე მიიტანთ. იტალიური სალათი მიიტანეთ სუფრაზე სოუს „ვინეგრეტთან“ ერთად.