ჭარხლის სალათი ბოლოკითა და ყველით

გთავაზობთ, რომ გაამრავალფეროვნოთ საშინაო მენიუ და მოამზადოთ გამაცოცხლებელი ჭარხლის სალათი ბოლოკითა და კიტრის დამატებით.

გაზაფხულის პერიოდში ჩვენს ორგანიზმს, როგორც არასდროს, სჭირდება ვიტამინების მიღება, და ასეთი სალათი შესანიშნავი ალტერნატივა იქნება პოპულარული გაზაფხულის სალათებისთვის.

ასევე, სალათს მე დავუმატე ადიღეური ყველი, რომელიც ძალიან კარგად ეხამება დანარჩენ ინგრედიენტებს.

ინგრედიენტები

• ჭარხალი – 1 ცალი
• ბოლოკი – 7-8 ცალი
• კიტრი – 1 ცალი
• ისპანახი (ახალი) – 1 კონა
• მწვანე ხახვი – 3-4 ღერი (ცალი)
• ადიღეური ყველი – 120 გრ
• წიწაკის ნარევი – გემოვნებით
• მარილი – გემოვნებით
• მზესუმზირის ზეთი – 3-4 სუფრის კოვზი

დამზადება

1. სალათისთვის მოამზადეთ ყველა საჭირო პროდუქტი სიის მიხედვით.
2. ჭარხალი უნდა მოიხარშოს წინასწარ. მზა ჭარხალი უნდა გაიფცქვნას და დაიჭრას კუბიკებად. ჭარხალს დაამატეთ მზესუმზირის ზეთი, აურიეთ.
3. ზოლებად (სოჭებად) დაჭერით კიტრი და ბოლოკი.
4. დაჭერით მწვანე ხახვი და ისპანახი.
5. კუბიკებად დაჭერით ადიღეური ყველი. სურვილის შემთხვევაში, მის ნაცვლად შეგიძლიათ გამოიყენოთ ფეტა ან ბრინზა.
6. სალათის ჯამში, ჭარხალს დაამატეთ ბოლოკი, კიტრი, ყველი და მწვანილი. მოაყარეთ მარილი და პილპილი.
7. თუ მზესუმზირის ზეთი ცოტა აღმოჩნდება, შეგიძლიათ კიდევ ორი კოვზი დაამატოთ. სალათი მაგიდაზე მიიტანეთ მაშინვე.
8. გემრიელად მიირთვით!