საოცარი მაფინები თინუსით (ტუნით)

როდესაც გვესმის სიტყვა "მაფინი", მაშინვე წარმოგვიდგება ტკბილი, ფაფუკი ნამცხვარი, მაგალითად, შოკოლადის, რაც შეცდომაა. თქვენ ოდესმე გიცდიათ უშაქრო (არატკბილი) კექსების გამოცხობა? ეს ხომ შესანიშნავი იდეაა! მათ შეუძლიათ შესანიშნავი წყვილი შეუქმნან მსუბუქ სუპს ან გახდნენ სრულფასოვანი წახემსება სამსახურში.

ინგრედიენტები

• 170 გრ. კონსერვირებული თინუსი (ტუნა) საკუთარ წვენში
• 1 პომიდორი
• 1 კვერცხი
• 1 ცილა
• გემოვნებით - დაფქული ნიორი, მწვანილი, მარილი

დამზადება

1. თინუსი (ტუნა) ჩავყაროთ წვრილ საცერში, რათა ზედმეტი წყალი გამოვიდეს. გამომშრალი თინუსის მასა მოვათავსოთ ჯამში, დავჩეჩქოთ ჩანგლით. დავუმატოთ წვრილად დაჭრილი პომიდორი, მწვანილი, სანელებლები და კვერცხის გული.
2. ცალკე ავთქვიფოთ კვერცხის ცილა, სანამ ქაფს არ მივიღებთ, ის უნდა გაიზარდოს 2-3-ჯერ. დავუმატოთ ის ფარშს და კოვზით ძალიან ფრთხილად და ნაზად შევაერთოთ ერთმანეთთან.
3. გავანაწილოთ სილიკონის ფორმებში და შევდგათ ღუმელში 40 წუთით, 190 გრადუსზე. მზა მაფინები მოვრთოთ სეზამით (ქუნჯუთით).