ფუმფულა ბურგერის პურები

ბავშვებისთვის ლანჩბოქსებში გამოგადგებათ, სენდვიჩებისთვის თუ ბურგერებისთვის — ნებისმიერი შიგთავსით
მარტივი, უგემრიელესი და უფუმფულესი პურები მზადაა!

ინგრედიენტები

• 500 გ ფქვილი
• 200 მლ თბილი რძე
• 50 მლ თბილი წყალი
• 1 კვერცხი
• 40 გ რბილი კარაქი
• 1 ს/კ შაქარი
• 7 გ მშრალი საფუარი
• 1 ჩ/კ მარილი
• ზემოდან:
• 1 კვერცხის გული
• 1 ს/კ რძე
• სეზამის მარცვლები

დამზადება

1. თბილ წყალში გავხსნათ საფუარი და შაქარი და 5–10 წუთით გავაჩეროთ.
2. დავამატოთ თბილი რძე, კვერცხი, ფქვილის ნაწილი და მარილი. მოვზილოთ ცომი და ბოლოს შევურიოთ რბილი კარაქი.
3. ცომი კარგად მოვზილოთ, სანამ გახდება რბილი, ელასტიკური და ოდნავ წებოვანი. ზედმეტ ფქვილს ნუ დავამატებთ — ასე უფრო ფუმფულა გამოვა.
4. დავაფაროთ და თბილ ადგილას გავაჩეროთ დაახლოებით 1 საათი, სანამ მოცულობაში გაორმაგდება.
5. დავყოთ, თითოეული დავამრგვალოთ და ოდნავ დავაბრტყელოთ. დავალაგოთ საცხობ ქაღალდზე და კიდევ 30–40 წუთი გავაჩეროთ.
6. ზემოდან წავუსვათ კვერცხის გულისა და რძის ნარევი, მოვაყაროთ სეზამი.
7. გამოვაცხოთ წინასწარ გახურებულ 180°C ღუმელში დაახლოებით 15–18 წუთი, სანამ ლამაზად არ შეიბრაწება.
8. გამოღებისთანავე შეგიძლიათ ძალიან მსუბუქად გადაუსვათ კარაქი — ზედაპირი რბილი და პრიალა დარჩება.