ესპანური თევზის სუპი

ესპანური თევზის სუპი საკმაოდ ადვილად მზადდება. ეს სუპი დაახლოებით 40 წუთის განმავლობაში მზადდება. მართალია, თევზი ისეთი პროდუქტია, რომელიც ხანგრძლივ თერმულ დამუშავებას არ საჭიროებს, მაგრამ ჩვენ მას სწრაფად არ ვამზადებთ, რადგან დამატებით ვამზადებთ ბოსტნეულის „მოხრაკულას“ (ზაჟარკა) და ვხარშავთ ბულიონს თევზის თავისა და კრევეტების ნარჩენებისგან (რომლებიც ბულიონს განსაკუთრებულ გემოსა და არომატს მისცემენ). სუპი გამოდის ძალიან გემრიელი და არომატული. ძალიან გირჩევთ, მიიტანოთ სუფრასთან ლიმონის ნაჭერთან და თეთრ პურთან ერთად.


გემრიელად მიირთვით!

ინგრედიენტები

• თევზის თავი 1 ცალი
• კრევეტები 500 გრამი
• გაყინული მიდიები 300 გრამი
• ნიჟარები (რაკუშკები) 500 გრამი
• დაფნის ფოთოლი 1 ცალი
• ნიორი 2 კბილი
• ზეითუნის ზეთი 3 ს.კ.
• ხახვი 2 ცალი (თავი)
• კარტოფილი 2 ცალი
• პომიდორი 2 ცალი
• თეთრი ღვინო 100 მლ
• წითელი წიწაკა (ბულგარული, ან ცხარე) 1 ცალი
• ტომატის პასტა 2 ს.კ.
• ახალი მწვანილის კონა 1 ცალი
• მარილი, პილპილი, სანელებლები – გემოვნებით
• ტაბასკო – გემოვნებით

დამზადება

1. მოვამზადებთ ყველა საჭირო ინგრედიენტს ჩვენი შესანიშნავი ესპანური სუპისთვის.
2. დიდ ქვაბში ვდებთ თევზის თავს და ვასხამთ ცივ წყალს. იმისათვის, რომ ბულიონი უფრო ინტენსიური გემოსი იყოს, ვუმატებთ კრევეტების ნარჩენებს და თავებს. ვამარილებთ და ვდებთ დაფნის ფოთოლს. მიგვყავს ადუღებამდე და შემდეგ ვხარშავთ დაახლოებით 15 წუთის განმავლობაში. შემდეგ თევზის თავს, ნარჩენებს და კრევეტების თავებს ვიღებთ და ვყრით. ამის შემდეგ ბულიონს ვწურავთ. მასში ვხარშავთ კუბიკებად დაჭრილ კარტოფილს (დაახლოებით 10 წუთი). ვასხამთ ღვინოს.
3. ვაცხელებთ ტაფას, ვასხამთ ზეთს და ვშუშავთ მასში წვრილად დაჭრილ ხახვს, ნიორს, წიწაკას და კუბიკებად დაჭრილ პომიდორს.
4. ვამატებთ ტომატის პასტას.
5. ყველაფერს კარგად ვურევთ, ვაფარებთ თავსახურს და ვშუშავთ დაახლოებით 10 წუთის განმავლობაში. შემდეგ ვამატებთ დაახლოებით 10 წვეთ ტაბასკოს, ვუმატებთ მარილს, ვამატებთ სანელებლებს (მაგალითად, ზაფრანს) და ვშუშავთ ბოსტნეულის დარბილებამდე.
6. შემდეგ "მოხრაკულას" (ზაჟარკას) ვუშვებთ ქვაბში კარტოფილთან ერთად. ყველაფერს ვხარშავთ დაახლოებით 5 წუთი, შემდეგ ბლენდერის დახმარებით ყველაფერს კარგად ვფქვავთ ერთგვაროვან მასამდე.
7. ქვაბში ვდებთ ნიჟარებს (რაკუშკებს), მიდიებს, კრევეტებს, თევზის ხორცს, მიგვყავს ადუღებამდე და ვუკლებთ ცეცხლს. ვხარშავთ კიდევ დაახლოებით 3 წუთი. ვთიშავთ ცეცხლს. ზემოდან ვაყრით დაჭრილ მწვანილს, ქვაბს ვაფარებთ თავსახურს და ვაცლით დადგომას დაახლოებით 10 წუთით. შემდეგ სუპს ვასხამთ თეფშებზე და მიგვაქვს სუფრასთან.