ჭვავის პური ღუმელში: უსაფუარო რეცეპტი

უსაფუარო ხელნაკეთი პური — მაღაზიის პურის სასარგებლო ალტერნატივაა. მისი მომზადება უფრო მარტივია, ვიდრე გგონიათ. გაითვალისწინეთ ეს რეცეპტი და გამოაცხვეთ სახლში ხრაშუნა და სურნელოვანი ჭვავის პური.
ჭვავი ევროპაში აზიის ქვეყნებიდან ვაჭრებმა ჩაიტანეს. ჭვავის პურის მომზადების კლასიკური რეცეპტი საკმაოდ შრომატევადია. იმისათვის, რომ პური გამოვიდეს, საჭიროა სწორი საფუარის მომზადება. ჩვენ გთავაზობთ ჭვავის პურის სწრაფ ვარიანტს საფუარის გარეშე, რომელიც მზადდება კეფირსა და სოდაზე. ჭვავის პურის გემოს გასამრავალფეროვნებლად, ცომში დაამატეთ სელის თესლი, სეზამი, ქიშმიში ან ჩირი.

ინგრედიენტები

• ჭვავის ფქვილი 300 გრ
• თაფლი 1 ს.კ.
• მზესუმზირის ზეთი 1 ს.კ.
• ზეითუნის ზეთი 1 ს.კ.
• სეზამი 2 ს.კ.
• 3.2%-იანი კეფირი 300 მლ
• მარილი 0.5 ჩ.კ.
• საკვები სოდა 1 ჩ.კ.

დამზადება

1. მოამზადეთ ღრმა ჯამი ცომის მოსაზელად. ორჯერ გაცერით ჭვავის ფქვილი, რათა ის ჟანგბადით გამდიდრდეს და მოაცილოთ ჩამჯდარი გუნდები. ფქვილს დაამატეთ ¾ ჩ.კ. სოდა და მარილი. ფქვილშივე დაამატეთ სეზამის უმეტესი ნაწილი და დატოვეთ ცოტაოდენი მარცვალი პურის მოსაყრელად. ცომში შეგიძლიათ დაამატოთ მწიკვი დაქუცმაცებული ძირას მარცვალი და სელი (სელის თესლი).
2. კეფირის ჭიქაში დაამატეთ თაფლი. კეფირი გაათბეთ მიკროტალღურ ღუმელში. ფერმენტირებული რძის პროდუქტის ტემპერატურა არ უნდა აღემატებოდეს 35 °C - ს. როდესაც თაფლი გაიხსნება, კიდევ ერთხელ მოურიეთ მასას.
3. მშრალი ინგრედიენტების ნარევში გააკეთეთ ჩაღრმავება. ჯამში ჩაასხით გაცხელებული კეფირი, კოვზით მოურიეთ მასას ინგრედიენტების გაერთიანებამდე. ცომს დაამატეთ ზეითუნის და მზესუმზირის ზეთების ნარევი და მოზილეთ ცომი.
4. მოამზადეთ საცხობი ფორმა, რომლის დიამეტრია 20 სმ, ძირსა და გვერდებზე დააფინეთ საცხობი პერგამენტი. გადმოიტანეთ ცომი. დაისველეთ ხელები წყლით და მიეცით პურს გუნდის/ბუჰანკის ფორმა. ზემოდან მოაყარეთ დარჩენილი სელის და სეზამის მარცვლები, და ზედაპირზე გააკეთეთ პატარა გრძივი ჩანაჭდევი.
5. ღუმელი წინასწარ გააცხელეთ 180 °C - მდე. პური აცხვეთ 45–50 წუთის განმავლობაში. პურის მზადყოფნა შეამოწმეთ ხის შამფურით. მზა პური გამოიღეთ ფორმიდან და გააცივეთ ოთახის ტემპერატურაზე.