ტომ იამი 15 წუთში

პატარა რჩევა: ტომ იამში გალანგალი და ლაიმის ფოთლები, როგორც წესი, არ იჭმება — ისინი მხოლოდ არომატისთვისაა. ჭამის დროს შეგიძლიათ თეფშის კიდეზე გადადოთ.

ინგრედიენტები

• ქამა სოკო: 100-200 გ
• ტომ იამის პასტა: 150 გ
• პომიდორი: 100 გ
• ქოქოსის რძე: 400 მლ
• კაფირ ლაიმის ფოთლები: (შეგიძლიათ შეცვალოთ ლაიმის ან ლიმონის ცედრით)
• გალანგალი: (ან მშრალი კოჭა/იმბირი)
• ქინძი

დამზადება

1. ქვაბში ჩაასხით 1 სუფრის კოვზი ზეთი. ჩაყარეთ გალანგალი (ან მშრალი კოჭა) და კაფირ ლაიმის ფოთლები (ან ცედრა). მსუბუქად მოთუშეთ 1 წუთის განმავლობაში, სანამ სასიამოვნო სურნელს არ იგრძნობთ.
2. დაამატეთ ტომ იამის პასტა. თუ ძალიან ცხარე არ გინდათ, თავიდან ნახევარი (75 გრ) ჩაუშვით. მოურიეთ და თუშეთ ზეთში კიდევ 1 წუთი — ეს პასტის არომატს უფრო "გახსნის".
3. დაჭერით ქამა სოკო შუაზე ან ოთხად და ჩაყარეთ ქვაბში. მოურიეთ, რომ პასტამ სოკო სრულად დაფაროს.
4. ჩაასხით ქოქოსის რძე (400 მლ). თუ მასა ძალიან სქელი მოგეჩვენებათ, შეგიძლიათ დაამატოთ 100-200 მლ წყალი. მიიყვანეთ ადუღებამდე საშუალო ცეცხლზე.
5. როგორც კი ადუღდება, ჩააყარეთ დაჭრილი პომიდორი (უმჯობესია პატარა კუბიკებად ან ჩერი პომიდორი შუაზე). ადუღეთ კიდევ 2-3 წუთი დაბალ ცეცხლზე, რომ პომიდორი ოდნავ დარბილდეს, მაგრამ ფორმა არ დაკარგოს.
6. გამორთეთ ცეცხლი. დააგემოვნეთ (თუ სიმჟავე აკლია, შეგიძლიათ ცოტა ლაიმის წვენი ჩააწუროთ). ბოლოს კი უხვად მოაყარეთ დაჭრილი ქინძი.