ზაპეკანკა ბროკოლითა და ლორით

ძალიან სადღესასწაულო და ნოყიერი კერძი! ეს ზაპეკანკა მოეწონებათ მათაც, ვისაც ბროკოლი არ უყვარს. მოამზადეთ ნაზი ყველის სოუსი რძითა და მდოგვით, დაალაგეთ ბროკოლი და ლორი ფორმაში, მოასხით სოუსი და გამოაცხვეთ ოქროსფერ ქერქამდე. იდეალური და დამაკმაყოფილებელი კერძია.

ინგრედიენტები

• 500 გრ. გაყინული ბროკოლი (1 შეკვრა)
• 0,5 ხახვი (ნახევარი თავი ხახვი)
• 60 გრ. კარაქი (2 ნაჭერი 30 გრ.)
• 3 ს.კ. ფქვილი
• 440 მლ. რძე (2 ჭიქა)
• 150 გრ. მაგარი ყველი (1 ჭიქა გახეხილი სახით)
• 1 ს.კ. მდოგვი
• 200 გრ. ლორი (2 ჭიქა კუბიკებად დაჭრილი სახით)
• 100 გრ. ორცხობილა (სუხარი)

დამზადება

1. გაყინული ბროკოლი მოხარშეთ მარილიან მდუღარე წყალში (3-4 წუთი), წყალი გადაღვარეთ. ტაფაში კარაქზე მოშუშეთ ხახვი დარბილებამდე. დაუმატეთ ფქვილი, აურიეთ, ნელ-ნელა დაუმატეთ რძე, თან სულ ურიეთ. მიიყვანეთ სუსტ ადუღებამდე, დაუკელით ცეცხლს და ხარშეთ მორევით 2 წუთის განმავლობაში. სოუსი ოდნავ უნდა შესქელდეს. დაუმატეთ ყველი და მდოგვი. გადმოდგით ცეცხლიდან და განაგრძეთ მორევა, სანამ მთელი ყველი არ გადნება. თუ ცეცხლზე დატოვებთ, ყველი სოუსში მაღალი ტემპერატურისგან აიჭრება.
2. საცხობ ფორმაში დაალაგეთ ბროკოლი, ლორი და ორცხობილის (სუხარის) ნაწილაკები. ზემოდან მოასხით სოუსი.
3. გაადნეთ კარაქის მეორე ნაჭერი, შეურიეთ დარჩენილ ორცხობილას. ამ ნარევით მოაყარეთ ყველაფერს ზემოდან.
4. გამოაცხვეთ ღია სახით 180°C-ზე 25-30 წუთის განმავლობაში.