გოგრისა და სტაფილოს სამარხვო კრემ-სუპი

ეს ნაზი და არომატული გოგრისა და სტაფილოს კრემ-სუპი იდეალურია შემოდგომის სადილისთვის ან მსუბუქი ვახშმისთვის. ეს მკვეთრი ფერის სუპი მიირთვით ორცხობილებთან (სუხარიკებთან) ან თბილ მრავალმარცვლოვან პურთან და ბოსტნეულის სალათთან ერთად.
თუ გსურთ მოამზადოთ ასეთი სამარხვო ბოსტნეულის სუპი გლუტენის გარეშე, აუცილებლად გამოიყენეთ სახლში მომზადებული ან უგლუტენო ბოსტნეულის ბულიონი — ყველა დანარჩენი ინგრედიენტი სრულიად თავისუფალია ამ მცენარეული ცილისგან.

ინგრედიენტები

• ზეითუნის ზეთი: 2 სუფრის კოვზი
• საშუალო ზომის ხახვი: 1 ცალი — დაჭრილი საშუალო ნაჭრებად
• ნიორი: 4 კბილი — დაჭყლეტილი
• საშუალო ზომის სტაფილო: 4 ცალი — დაჭრილი რგოლებად
• ნიახურის ღერო: 3 ცალი — დაჭრილი საშუალო ნაჭრებად
• გასუფთავებული გოგრის რბილობი: 1,5 კგ (უმჯობესია ტკბილი ჯიშის) — მსხვილად დაჭრილი
• ბოსტნეულის ბულიონი: 1,2 ლიტრი
• ახალი სალბი (შალფეი): 2 სუფრის კოვზი, მსხვილად დაჭრილი — სერვირებისთვის, სურვილისამებრ
• სოიოს ან შვრიის რძე: 120 მლ
• ზღვის მარილი: გემოვნებით
• ახლად დაფქული შავი პილპილი: გემოვნებით

დამზადება

1. მოამზადეთ ინგრედიენტები.
2. დიდ სუპის ქვაბში, საშუალო ცეცხლზე გააცხელეთ ზეითუნის ზეთი.
3. მოშუშეთ დაქუცმაცებული ნიორი და ხახვი ზეითუნის ზეთში ხახვის დარბილებამდე, დაახლოებით 5 წუთის განმავლობაში.
4. დაამატეთ ქვაბში დაჭრილი სტაფილო, ნიახური და აცალეთ კიდევ 5-7 წუთი.
5. დაამატეთ ჭურჭელში გოგრის ნაჭრები და ამოურიეთ, რომ ისინი ზეთით დაიფაროს. ჩაასხით ბოსტნეულის ბულიონი და დაამატეთ სალბი (შალფეი).
6. დააფარეთ ჭურჭელს თავსახური და მიიყვანეთ სუპი ადუღებამდე. დაუწიეთ ცეცხლს და ხარშეთ სუპი ნელი დუღილით მინიმუმ 35 წუთის განმავლობაში, სანამ გოგრა სრულიად არ დარბილდება.
7. დააბლენდერეთ სუპი ერთგვაროვანი მასის მიღებამდე სამზარეულოს კომბაინის ან ხელის (ჩასასვლელი) ბლენდერის მეშვეობით.
8. შეურიეთ სუპში სოიოს ან შვრიის რძე. დაამატეთ მარილი და დაფქული შავი პილპილი გემოვნებით. მზად არის!