ტომატის წვნიანი გატარებული ხორცით (ფარშით)

არომატული, ნოყიერი და სქელი ტომატის წვნიანი ფარშით — საუკეთესო კერძია სადილისთვის. პომიდორი წვნიანს მკვეთრ ფერსა და დამახასიათებელ სასიამოვნო სიმჟავეს სძენს, ხოლო ფარში და სანელებლების მრავალფეროვნება კერძს სრულყოფილს ხდის.

ინგრედიენტები

• ტომატის წვნიანი ფარშით — ინგრედიენტები:
• საქონლის ფარში: 300 გრ
• პომიდორი: 400 გრ
• კარტოფილი: 400 გრ
• ტკბილი წიწაკა (ბულგარული): 1 ცალი
• სტაფილო: 1 ცალი
• ხახვი: 1/2 თავი
• მცენარეული ზეთი: 50 მლ
• დაფნის ფოთოლი: 1 ცალი
• ნიორი: 1 კბილი
• ოხრახუში: 1 კონა
• მარილი: 1 ჩაის კოვზი
• შავი პილპილი: 1/3 ჩაის კოვზი
• პროვანსული ბალახები: 1/2 ჩაის კოვზი
• ხმელი რეჰანი (ბაზილიკი): 1/2 ჩაის კოვზი
• ძირა (კვლიავი): 1/2 ჩაის კოვზი
• ხმელი წიწაკა ჩილი: 1/2 ჩაის კოვზი

დამზადება

1. გაამზადეთ ყველა ინგრედიენტი. გაასუფთავეთ კარტოფილი, ხახვი და სტაფილო. ბულგარულ წიწაკას მოაცილეთ თესლი. (რეცეპტში გამოყენებულია საქონლის ფარში).
2. ხახვი და სტაფილო დაჭერით წვრილ კუბებად. სქელძირიან ქვაბში ან ღრმა ტაფაში გააცხელეთ მცენარეული ზეთი და მოთუშეთ ხახვი და სტაფილო დარბილებამდე.
3. სანამ ბოსტნეული ითუშება, კუბებად დაჭერით კარტოფილი და ტკბილი წიწაკა.
4. ქვაბში დაამატეთ ფარში და ხის ნიჩბით კარგად დაანაწევრეთ. შუშეთ ბოსტნეულთან ერთად 8-10 წუთის განმავლობაში.
5. დაამატეთ დაჭრილი ტკბილი წიწაკა და აურიეთ. შემდეგ ჩააყარეთ ყველა სანელებელი, მარილისა და შავი პილპილის გარდა.
6. ჩაამატეთ კარტოფილი და კვლავ კარგად აურიეთ.
7. თითოეულ პომიდორს გაუკეთეთ ჯვარედინი ნაჭდევი. დაასხით მდუღარე წყალი, შემდეგ კი მაშინვე გადაიტანეთ ყინულიან წყალში. მოაცილეთ კანი. რბილობი დააბლენდერეთ ტომატის წვენის მიღებამდე.
8. მიღებული ტომატის წვენი ჩაასხით ქვაბში. დაამატეთ 1-1,5 ჭიქა ცხელი წყალი, მარილი და შავი პილპილი. მიიყვანეთ ადუღებამდე და ხარშეთ დაბალ ცეცხლზე დაახლოებით 15 წუთი, კარტოფილის მომზადებამდე.
9. ნიორი და ოხრახუში წვრილად დაჭერით (რამდენიმე ფოთოლი სერვირებისთვის შეინახეთ). ჩაამატეთ წვნიანში, ამოურიეთ, დააფარეთ თავსახური და გამორთეთ ცეცხლი.
10. აცალეთ წვნიანს „დასვენება“ 10-15 წუთით.