სუფლე ჩიტის რძე

რჩევა:
კაკაოს კარაქის გამოყენება მინანქარს უფრო თხელსა და ხრაშუნას ხდის, რაც იდეალურ კონტრასტს ქმნის ნაზ სუფლესთან.

ინგრედიენტები

• კარაქი (დარბილებული) — 100 გ
• შესქელებული რძე (მოუხარშავი) — 55 გ
• კვერცხის ცილა — 1 ცალი
• შაქარი — 180 გ
• წყალი — 55 გ
• აგარ-აგარი (900-იანი სიძლიერის) — 3 გ
• ლიმონმჟავა — ერთი მწიკვი
• ვანილი — სურვილისამებრ

დამზადება

1. კარაქი, შესქელებული რძე და ვანილი ათქვიფეთ ჰაეროვანი, ღია ფერის კრემის მიღებამდე. დააფარეთ და დატოვეთ ოთახის ტემპერატურაზე.
2. სქელძირიან ქვაბში შეურიეთ აგარ-აგარი და წყალი, დადგით ცეცხლზე. ურიეთ და ადუღეთ რამდენიმე წამი. მდუღარე მასაში ჩაყარეთ შაქარი და კარგად მორევით ხარშეთ 110 გრადუსამდე. გადმოდგით და აცალეთ შეგრილება 94–95 გრადუსამდე.
3. საკონდიტრო ჩარჩოს (16x16 სმ) ძირზე მჭიდროდ გადააკარით საკვები ფირი და დამატებით შემოახვიეთ ფოლგა. დადეთ დაფაზე.
4. დაიწყეთ ცილისა და ლიმონმჟავას ათქვეფა. როგორც კი თეთრ ქაფს წარმოქმნის, მაღალ სიჩქარეზე თქვეფის შეწყვეტლის გარეშე, წვრილი ნაკადით ჩაასხით ცხელი სიროფი. თქვიფეთ თეთრი, ძალიან ჰაეროვანი მასის მიღებამდე.
5. მიქსერის მინიმალურ სიჩქარეზე შეურიეთ კარაქის კრემი. დაუყოვნებლივ გადაიტანეთ მასა ჩარჩოში (აგარ-აგარი მომენტალურად მყარდება) და გაასწორეთ ზედაპირი. შედგით მაცივარში მთელი ღამით.
6. გამოიღეთ სუფლე ჩარჩოდან. დაჭერით სასურველ ნაჭრებად (მოსახერხებელია, თუ დანას მცენარეულ ზეთს წაუსვამთ). სურვილის შემთხვევაში, მინანქრის გადასმამდე ოდნავ „შემოყინეთ“ საყინულეში.
7. მინანქარი
8. ცალ-ცალკე გაადნეთ შოკოლადი და კაკაოს კარაქი.
9. შეაერთეთ ორივე მასა, აურიეთ და აცალეთ გაციება 35 გრადუსამდე.
10. ამოავლეთ სუფლეს ნაჭრები მინანქარში, დააწყვეთ სილიკონის ხალიჩაზე და აცალეთ გაშრობა (ეს ძალიან სწრაფად ხდება). თუ ნაჭრები საყინულეში გქონდათ, მიირთმევამდე 2 საათით მაცივარში გადაიტანეთ.