ჩიპოტლეს სოუსი

მწარე და ცეცხლოვანი, მწველი და პიკანტური — ასე შეიძლება დახასიათდეს სოუსი, რომლის მთავარი ინგრედიენტიც წიწაკა ჩიპოტლეა. ამ კერძის სამშობლო ამერიკაა. სწორედ იქ შექმნეს ეს საუცხოო სოუსი.

ინგრედიენტები

• ჩიპოტლეს წიწაკა — 1 ცალი
• მაიონეზი — 1 ჭიქა (სასურველია ხელნაკეთი, 240-250 მლ)
• ნიორი — 1 კბილი
• ლაიმის ან ლიმონის წვენი — 0,5 ცალი (ნახევარი)
• შაქარი — 0,5 ჩაის კოვზი
• მარილი და შავი დაფქული პილპილი — გემოვნებით

დამზადება

1. ბლენდერის თასში მოათავსეთ ჩიპოტლეს წიწაკა, მაიონეზი (საუკეთესოა ხელნაკეთი, მაგრამ შეგიძლიათ გამოიყენოთ მაღაზიის მაღალი ხარისხის პროდუქტიც), გასუფთავებული და დაქუცმაცებული ნიორი და შაქარი.
2. გამოწურეთ ნახევარი ლიმონის (ან ლაიმის) წვენი და დაუმატეთ სხვა ინგრედიენტებს.
3. მოაყარეთ ცოტა მარილი და პილპილი.
4. ჩართეთ ბლენდერი და ათქვიფეთ ყველა ინგრედიენტი ერთგვაროვანი მასის მიღებამდე. გასინჯეთ: თუ აკლია სიმწარე ან მარილი — დაუმატეთ. სიმწარისთვის გამოიყენეთ ჩიპოტლეს წიწაკა.
5. შეინახეთ სოუსი მაცივარში. მიირთვით გაციებული.